Bohlokwa bja dinonwane tša Sepedi thutong ya mabokgoni a ngwagakgolo wa 21 The significance of Sepedi folktales in teaching 21st century skills

Abstract

Maikemišetšo a nyakišišo ye ke go utolla bohlokwa bja go šomiša dinonwane bjalo ka ditšweletšwa tša kabothuto kgodišong ya mabokgoni a ngwagakgolo wa 21 go barutwana ba thuto ya Sepedi. Nyakišišo e latetše mokgwanyakišišo wa boleng ka go šomiša mokgwakgoboketšo wa phetleko ya dingwalwa go fa tlhalošo ya dinonwane tšeo di amanago le kgodišo ya mabokgoni a ngwagakgolo wa 21, e lego; go boledišana, go šoma mmogo, go hlama, go ikgopolela le go ikahlolela, bjalo ka ge a tšwelela go (Vivekanandan, 2023). Nyakišišo ye e latetše setlwaedi sa Kgokagano ka Mohlobo seo se utollotšwego ke Hymes (1962), gammogo le Mokgwakabo wa Tšhomišo ya Setšweletšwa go ya ka tlhahlo ya Setatamente sa Pholisi sa Lenaneothuto le Kelo (Department of Basic Education, 2011). Dikutollo tša nyakišišo di laeditše gore dinonwane di kgathile tema ya bohlokwa thutong le kgodišong ya bana mohlobong wa Bapedi go tloga mathomong ga go ba gona ga mohlobo, le go fihla ga bjale. Nyakišišo ye e bolela gore dinonwane di swanetše go ba karolo ya ditšweletšwa tša go šomišwa dikolong ka ge di na le tlhago ya go ruta le go hlabolla menagano ya setšhaba. Di rwele le setšo le ditlwaelo tša bana bao thuto e lebišitšwego go bona, ka go realo ge di šomišwa bjalo ka ditšweletšwa di tla maatlafatša barutwana go mabokgoni a go ithuta a ngwagakgolo wa 21.

The aim of the study is to highlight the importance of folktales in the teaching of 21st century skills in Sepedi language classrooms. The learning skills to be discussed are communication, creativity, collaboration and critical thinking. The study followed a qualitative approach and the data collection method used was document analysis. The theory adopted for the study is ethnography of communication (EOC; Hymes, 1962), supported with a text-based approach for language teaching as stated in the Curriculum and Assessment Policy Statement (Department of Basic Eduction, 2011). The findings of the study revealed that folktales have been around for all of human existence and have played an important role in educating indigenous communities to navigate life. The study recommends that folktales should be part of formal education and be given high recognition like other genres being taught in schools. It should also be formally assessed. The study will benefit both teachers and learners. Learners will be able to relate to the texts, making learning easier for them.