Kosmogonia di etnia mandjaku na konservason socioambiental na tchon di kanhobi, Guiné-Bissau

Abstract

És tarbadju tené suma panu fundu difundi balur di kosmogonia di etnia Mandjaku na konservason socioambiental di rikezas naturais na tchon di Kanhobi, avansa ku hipotisi di kuma na sociedadi tradicional guineense, kosmogogia tá usadu suma um métudu di konservason di rikezas naturais na kumunidadi tradicionais di país. Ipá fala dés manera, é tarbadju ikana trata di studu kompletu di tudu etnias di Guiné-Bissau, i nim ikana fala di balur di um religion pa baixa utrus religion. Pá alkansa objetivu dés tarbadju, i facidu um n’queritu na tabankas di tchon di Kanhobi lokalizadu na Region Katcheu entri 22 de dezembru di anu 2019 i 20 di marçu di 2020, djuntadu ku revison bibliográfika iku utrus dukumentus parcidus. Duranti piskiza di kampu, dadus di intrivista tá demonstra tudu kilku faladu di kuma, rápidu kirsimentu di pekadur i pirmeru fator kuta provoka necessidadi di abri nobus área di pratika agrikultura ki na bardadi, nem sempri i koretu. Resultadu di kampu tá aponta diversidadi etnika religioza suma principal fator ku n’sta na dana rikeza natural na tchon di Kanhobi, Region di katcheu. I Region di Katcheu i predominanti pa religion animista, religion islamismo i religion kristianismu i, tudu és religion kada um tené si krensas ici forma di s’plora riquezas naturais di akordu ku necessidadis.