Main Article Content
Undoing the injustices of the past: restitution of rights in land in post-apartheid South Africa, with special reference to the North-West Province
Abstract
Regstelling van die verlede se ongeregtighede: die herstel van grondregte in post-apartheid Suid-Afrika, met spesiale verwysing na die Noordwes Provinsie
Hierdie artikel handel oor die belangrike vraagstuk van die herstel van grondregte aan individue en gemeenskappe, wie se regte ontneem is as gevolg van diskriminerende wetgewing wat op ras gebaseer is. Hierdie wetgewing is ondersteun deur beleid wat daartoe aanleiding gegee het dat drie en 'n half miljoen mense met geweld van hul voorvaderlike grond verwyder is, wat tot gevolg gehad het dat die blanke bevolking, wat minder as twintig persent van die land se bevolking uitgemaak het, sewe-en-tagtig persent van die land besit het. In die gebied wat vandag as die Noordwes Provinsie bekend staan, is die grondkwessie verder vertroebel deur die gediskrediteerde Bantoestan-beleid waarvolgens die Batswana met geweld van hulle voorvaderlike land verwyder is om die sogenaamde tuisland, Bophuthatswana te vestig. Suid-Afrika se geskiedenis van verowering en ontneming, van gedwonge verwyderings en rasbevooroordele grondverdeling, het 'n pynlike erfenis nagelaat. Hierdie artikel ondersoek die uitdagings en welslae van die grondherstelproses wat in 1994 ingestel is. Daar word aangetoon dat die kommissie op die Herstel van Grondregte redelike sukses in hierdie komplekse en dinamiese proses behaal het, maar dat nog baie gedoen moet word om 'n verwikkelde web van uitdagings in die leweringsproses aan te spreek en te oorkom. Daar word gehoop dat hierdie bespreking 'n beskeie bydrae tot die voortdurende debat aangaande versoening, rekonstruksie en ontwikkeling in 'n post-apartheid Suid-Afrika kan maak.
(Journal for Juridical Science: 2002 27(2): 88-114)