Main Article Content
Evaluation of a computer-based teaching programme (CBTP) developed for student nurses in an oncology clinical setting: research
Abstract
'n Rekenaargebaseerde onderrigprogram (RGOP) is na 'n omvattende literatuurstudie oor leer, leerteorieë, -style en benaderings, tradisionele-, studentgesentreerde- en onderrig deur hipermedia, en rekenaargebaseerde onderrig ontwikkel, met die doel om 'n onderrigbenadering te implementeer waar studentverpleegkundiges die geleentheid gegun word om verantwoordelikheid vir leer te aanvaar, leerbehoeftes te identifiseer en 'n diep benadering tot leer te volg. Kriteria wat tydens die ontwikkeling van die RGOP in ag geneem is, is onder drie kategorieë, naamlik onderrigeffektiwiteit, kosmetiese-, program- en kurrikulumdoeltreffendheid geklassifiseer en uiteindelik gebruik om 'n evalueringsinstrument saam te stel. Die evalueringsinstrument het ook die volgende hoof- en subkriteria ingesluit (sien Tabel 1): Onderrigeffektiwiteit: Ontwerp, Prosedure, Effektiwiteit, Duidelikheid, Kosmetiese doeltreffendheid: Voorkoms, Duidelikheid, Program doeltreffendheid: Ontwerp, Kurrikulum doeltreffendheid: Ontwerp en inhoud. Nadat die RGOP vir 'n tydperk van twee maande of 'n maksimum van ses ure deur respondente wat aan die navorsing deelgeneem het gebruik is, is dit deur hulle aan die hand van die instrument geëvalueer. Die navorsing is in twee situasies, naamlik in die verpleegpraktyk (twee maande), waar minder beheer oor die respondente se benutting van die RGOP moontlik was, en ook in 'n multimediarekenaarsentrum (MMS) (ses ure), geloods. 'n Vergelyking word getref tussen die resultate van die groep in die praktyk (n=40) en dié van 'n groep wat in 'n multimediarekenaarsentrum (MMS groep) (n=20) in gekontroleerde omstandighede op dieselfde program gewerk het. Om vas te stel of daar 'n statisties betekenisvolle verskil tussen die twee groepe se persentasie (binne elke afdeling van die instrument behaal) bestaan, is daar dus van die nie-parametriese Mann-Whitney toets en 95% nie-parametriese vertrouensintervalle gebruik gemaak. 'n Statisties betekenisvolle verskil tussen die groepe word aangedui deur p < 0.5 en die vertrouensinterval wat die waarde 0 uitsluit. Die mediaanverskil tussen die praktyk en MMS groep is as volg: Ten opsigte van onderrigeffektiwiteit (duidelikheid) was die mediaan vir beide groepe 100%. Die mediane van beide groepe, het ten opsigte van al die kategorieë baie min verskil en het tussen 81.67% en 100% gewissel.
(Health SA Gesondheid : interdisciplinary research journal: 2002 7(4): 98-107)